Атырау қаласында Спартакиада өткізілді
24.08.2022
«ҚазМұнайГаз» ҰК АҚ -на қарасты еншілес компаниялар арасында көптеген спорт түрлерінен, ағымдағы жылдың тамыз айында Атырау қаласында Спартакиада ұйымдастырылды. Іріктеу кезеңінен жолдама алғандар қатарында «KMG EP-Catering» ЖШС-нің әйелдер арасындағы волейбол құрамасы және үстел теннисінен қатысушылар болды. Жарыс қорытындысы бойынша әйелдер арасындағы үстел теннисінен күш сынасқан әріптесіміз Айтжанова Лаура Ахметқызы жеңіске жетіп, 1 – орынды иеленді. Серіктестіктің бас директоры Жасұлан Утегенұлы қатысушыларға арнайы алғысын білдіріп, сый-сияпат табыстады.
